Ｋａ　ＭａＮ　＆　Ｋｅｎｎｅｔｈ　的一切。。。！！

呢排又少咗整包包啦。。。

因為呢掛愛上了整色彩繽紛的　Ｍａｃａｒｏｏｎｓ。。。

仲要呢個食譜比出面的無咁甜。。

好多朋友同事食過都話　ＧＯＯＤ　

見佢地食得開心我又整得開心。。！！

我之前都打過個食譜向　Ｙａｈｏｏ　Ｂｌｏｇ。。

但搬黎呢度時咩相都唔見晒。。。

所以再打一次。。。

呢個食譜係我向唔知邊本書度見到抄底的。。。

材料：

1.  糖粉　　　　　１２０ｇ
2.  特幼杏仁粉　　１２０ｇ　（我無特幼，所以用　Ｂｌｏｇ　友靚女　Ｖ　教自己將向超市買Ｄ杏仁粉用攪拌機打下再過篩）
3.  蛋白　　　　　２隻　（室溫）-- 大概７０ｇ
4.  細砂糖　　　　２０ｇ
5.  咖啡粉　　　　１／４茶匙　（我自己加的原食譜無架, 如果整原味就唔使理呢ｐａｒｔ）

做法：

1.  將１，２同５混好過篩。。。
2.  蛋白打至起泡再分３次加入細砂糖，打至企身。。。
3.  再分３次將篩好的杏仁糖粉加入已打至企身的蛋白（用　Ｆｏｌｄ　ｉｎ　法）。。。
4.  攪到杏仁糖粉同蛋白混合，而見到混合物令身就可。。。
5.  放混合物入唧袋。。。
6.  唧出３ＣＭ大的圓。。。
7.  放至表面乾　（手指輕點唔會痴手）。。。
8.  焗爐預熱至１５０度　（人人爐溫唔同要自己試）。。。
9.  將ｍａｃａｒｏｏｎｓ入爐焗１０分。。。
10. 出爐放向涼格上代涼唧餡合好就可以食。。！！

**** 人人爐溫唔同自己留意。。！！

近期的傑作（搞搞震作品）。。！！

 我唔係整過好多色。。

因我而家仲係試玩階段。。。

要開始努力研究唔同的餡。。。！！